La cassa da pensiun dal chantun Grischun ha gì in bun onn da gestiun 2023. Ella communitgescha ina rendita totala da bunamain 8% sin sias investiziuns da facultad da 3,6 milliardas francs. Il grad da garanzia è s'augmentà sin passa 113%.
Sco quai che la cassa da pensiun scriva plinavant profiteschian las persunas assicuradas directamain dal success da las investiziuns. Per l'onn 2023 han ellas survegnì in tschains da 4% sin lur dabun spargnà.
Cun ses chapital è la cassa da pensiun dal Grischun la pli gronda en il Grischun cun passa 12'000 persunas segiradas u che retiran ina pensiun (stan 2021). Tar quels tutgan cunzunt collavuraturas e collavuraturs dal chantun ed era da bleras vischnancas.
L'onn 2021 ha la cassa da pensiuns fatg ina rendita da 8,3%, il 2022 dentant ina perdita da -7,7%.