La situaziun tar il provediment cun forza electrica en Svizra è sa meglierada ils davos mais – a questa conclusiun vegn l'Elcom – la cumissiun per l'electricitad en ses pli nov rapport.
L'enviern haja la Svizra gì a disposiziun avunda forza electrica. Ovras idraulicas ed ovras atomaras hajan producì fitg blera forza electrica. Ultra da quai hajan ins stuì stgaudar pli pauc pervi da las temperaturas miaivlas. Era la situaziun en ils pajais vischins saja stabila. Perquai valitescha la Elcom la situaziun da partenza per l'enviern proxim meglra ch'ils davos dus onns.
