La fundaziun «Denk an mich», ina fundaziun da solidaritad da SRF, sto tschertgar in nov president u ina nova presidenta. A chaschun da la 56avla radunanza annuala ha communitgà il president actual Mariano Tschuor ch'el sa retira il settember da l'onn current. L'anteriur directur dad RTR è vegnì elegì il 2015 en quest post.
La fundaziun «Denk an mich» organisescha vacanzas ed activitads dal temp liber per persunas cun impediments. I va era per la promoziun da l'inclusiun.